ஆதிசைவ சிவாச்சாரியார்கள் கூட்டமைப்பு

ஆதிசைவர்கள் வேதங்களோடு சிவாகமங்களையும் கற்ற பிராமணர்கள் ஆவர். அவர்கள் வேதத்தையும், குறிப்பாக சிவாகமத்தை கற்று அதனை தங்கள் முக்கிய பணியாகக் கொண்டு, சிவபெருமானை சிவாகம மந்திரங்களால், சிவாகம விதிகளின் அடிப்படையில் வழிபடுவதை தொன்றுதொட்டு செயல்படுத்தி வருகின்றனர்.
ஆதிசைவர்கள் இதன் அடிப்படையில் "ஆதி சைவர்" என அழைக்கப்படுகிறார்கள். ஆதிசைவர் வேத, ஆகம கல்வியை உரிமையாகக் கொண்டதால் "அந்தணர்" என அழைக்கப்படுகின்றனர்.ஆதிசைவர்கள், சிவாகமங்களின் வழியில் மட்டுமே தங்கள் ஆன்மார்த்த வழிபாடுகளை மேற்கொள்வதால், அவர்களுக்கு குருத்தன்மைக்கும் உரிமை உண்டு.

அதனால் அவர்கள் குருக்கள் என்றும் அழைக்கப்படுவர்.ஆதிசைவர்கள் சிவனின் ஐந்து முகங்களிலிருந்து தோன்றியவர்கள் என்று சிவாகமங்கள் விளக்குகின்றன. இவர்களை குருக்கள், சிவபிராமணர், சிவ விப்ரர், பட்டர், சிவத்விஜர், சிவவேதியர்,முப்போதும் திருமேனி தீண்டுவோர், சிவமறையோர் என்று அழைக்கப்படுகிறார்கள்.
இவர்களின் தலைமை கோத்திரங்கள் ஐந்தாக உள்ளன. இவர்கள் தங்கள் இல்லங்களில் ஆன்மார்த்த பூஜைகளையும், சிவாலயங்களில் பரார்த்த பூஜைகளையும் மேற்கொண்டு, சிவபெருமானை ஆராதிக்கின்றனர்.